ယောက္ခမကို အပိုင်ချူပ်နည်း ၁၁ နည်း

၁။ အမေ ဟု နွေးနွေး ထွေးထွေး ခေါ်ပါ ။ (သားသမီးချင်း ကိုယ်ချင်း စာတတ် စေရန်)

၂။ အမေ စားချင်တာလေး တကူးတက ချက်ကျွေးတာ ဟု ဆိုပြီး မကြာခဏ ကျွေးမွေးပါ ။ (ဆိုင်မှ ဝယ်လာသော ဟင်းများကို အိုးနဲ့ လှယ်ထည့်ပြီး သူ့ရှေ့တွင် မိမိ ချက်ထားသော ပုံစံ ဖန်တီးပါ သူသိတာ မှတ်လို့)

၃။ အဝတ်အထည် အသစ်များကို မေမေ့ အတွက် မေမေနဲ့ လိုက်မယ် ထင်လို့ ဝယ်လာတာ ဟု ပြောပြီး မကြာခဏ လက်ဆောင် ပေးပါ ။ (ဈေးပေါတာတွေ ဝယ်ပေးပါ ။ အကုန်အကျ သက်သာစေရန် အတွက် ။ သူသိတာ မှတ်လို့ ခ်ွခ်ွ)

၄။ မကြာခဏ စကား ပြောပေးပါ ။ မေမေက အရမ်း နုတယ်နော် ။ အခုထိ သွားလည်း မကျိူးသေး ဘူးနော် စသဖြင့် ပြောဆို ပေးပါ ။ (သွသူ နုနု ရင့်ရင့် သွားကျိုးကျိုး မကျိုးကျိုး ကိုယ်နဲ့ ဘာဆိုင်တာ မှတ်လို့ မြှောက်သာပေး ဟီဟိ)

၅။ သူမ၏ သားသမီးများကို သူမ ရှေ့တွင် အရမ်း ချစ်ပြပါ ။ အရမ်း ကြင်နာ ပြပါ ။ အရမ်း တန်ဖိုးထား ပြပါ ။ (ကွယ်ရာကျမှ နားရင်းပဲ ရိုက်ရိုက် လည်ပင်းပဲ ညှစ်ညှစ် ချချင် သလိုချ ဘယ်သူမှ မသိရင် ပြီးရော ခ်ွခ်ွ)

၆။ မေမေက တရား ရှိတယ်နော် အရမ်း သနား တတ်တာ အရမ်း ကြင်နာ တတ်တာ ပဲနော် စသဖြင့် မြှောက်ပင့် ပြောဆိုဖို့လည်း မမေ့ ပါနှင့် ။ (သူ့ဘာသာ အိမ်တကာ လည်ပြီး အတင်း တုပ်လည်း မသိချင်ယောင် ဆောင်နေပါ ။ သူ့ဘာသာ ငါးခေါင်းထု လည်း မသိသလို နေပါ ။ မိမိနဲ့ အဆင်ပြေ ဖို့က အဓိက ပဲလေ နော့)

၇။ တရားစခန်း ဝင်ခြင်း တရားခွေများ နားထောင် ခိုင်းခြင်း သတ်သတ်လွတ် မကြာခဏ စားခိုင်းခြင်းများ ပြုလုပ်ပါ ။ (မြန်မြန် တရား ပေါက်ပြီး ရိပ်သာ သွားနေခြင်းဖြင့် သင် ဝဋ်ကျွတ် နိုင်ပါ၏ ။ သတ်သတ်လွတ်စားခြင်းဖြင့် သင် ကုန်ကျ စားရိတ် သက်သာ စေနိုင်ပါ၏ ။ ဟီဟိ)

၈။ မကြာခဏ အပန်းဖြေ ခရီး ထွက်ပေးပါ ။ (သူမ စိတ်ပျော်ရွှင် နေလျင် သင့်ကို အပြစ် ပြောခြင်း ဆူပူခြင်း မလုပ်နိုင်ပါ)

၉။ သူရဲကား သူရဲ အကြောင်း စုန်း ကဝေ စာအုပ်များ မှော် အစီအရင် များ အကြောင်း မကြာခဏ ကြည့်ခိုင်း မြင်ခိုင်းပါ ။ သူမ စိတ်အားငယ်လျင် သင့်ကို အားကိုး အားထား ပြုလာ ပါလိမ့်မည် ။ (ညဘက် အိမ်သာ သွားလျင် သင့်ကို အဖော်ပြု ပါလိမ့်မည် ။ သင်သည် သူမ အတွက် မရှိမဖြစ် လိုအပ် နေသော အရာဟု ထင်မြင်နေ ပါစေ)

၁၀။ ဟာသကား ဟာသစာအုပ် ပုတီး အလုပ် တခုခု ပေးထားပါ ။ သူမ တခြားကို အာရုံ စိုက်နေလျင် သင်နှင့် ပြဿနာ ဖြစ်ရန် အချိန် နည်းပါးနေ ပါလိမ့်မည် ။ (ဂိမ်း ဆော့တတ်အောင် သင်ပေးပြီး ဂိမ်းဆော့ခိုင်း ထားလိုက်ပေါ့ ခ်ွခ်ွ)

၁၁။ သူမ ကို သင့်မိဘနှင့် မခြား ပြုစု စောင့်ရှောက်ပါ ။ မိဘကို လုပ်ကျွေး ပြုစု သကဲ့သို့ သင်ကုသိုလ် ရနိုင် ပါလိမ့်မည် ။ (စေတနာ အပြည့် ထားပေးပါ)

ခုနှစ်ရက် သားသမီး အပေါင်း ယောက္ခမများနှင့် အဆင်ပြေနိုင် ကြပါစေ ။

ငပွ